Qazax şəhərində böyük Azərbaycan şairi Səməd Vurğunun 120 illik yubileyinə həsr olunmuş I Qazax Kitab Sərgisi uğurla başa çatıb.Azərbaycan Nəşriyyatları Assosiasiyasının təşkilatçılığı, Azərbaycan Respublikası Gənclər və İdman Nazirliyinin, Azərbaycan Respublikası Mədəniyyət Nazirliyinin və Qazax Rayon İcra Hakimiyyətinin tərəfdaşlığı, BP Azərbaycan şirkətinin dəstəyi ilə keçirilən sərgi geniş oxucu auditoriyasını, ziyalıları, müəllimləri, tələbələri və kitabsevərləri bir araya gətirib.Sərginin açılış mərasimində Azərbaycan Nəşriyyatları Assosiasiyası İctimai Birliyinin İdarə Heyətinin sədri və Hədəf Şirkətlər Qrupunun qurucu direktoru Şəmil Sadiq, Qazax Rayon İcra Hakimiyyətinin başçısı Rəcəb Babaşov, BP-nin Azərbaycan, Gürcüstan və Türkiyə üzrə sosial fəaliyyətlər rəhbəri Xalid Rəcəbov, Qazax Yazıçılar Birliyinin sədri Barat Vüsal, filoloq və Vaqif Səmədoğlu Mərkəzinin rəhbəri Nüşabə Babayeva, Qazax Regional Gənclər və İdman İdarəsinin rəis müavini Elçin Cəfərov, Ağstafa Regional Mədəniyyət İdarəsinin rəis müavini Ayaz Qələndərli, Bakı Dövlət Universitetinin professoru Qulu Məhərrəmli, eləcə də İctimai Birliklər və Dini Qurumlarla İş üzrə ekspert Əkbər Qoşalı çıxış edərək kitabın, mütaliənin və maariflənmənin cəmiyyətin inkişafındakı rolundan danışıblar.Tədbirdə Azərbaycan Jurnalistlər Birliyinin sədri Elçin Şıxlı və Azərbaycan dili üzrə dərsliklərin müəllifi, Altun Kitab Nəşriyyatının direktoru Rafiq İsmayılov da iştirak edərək sərgiyə öz töhfələrini veriblər.Sərgi çərçivəsində müxtəlif nəşriyyatların kitabları oxuculara təqdim olunub, kitablar endirimli qiymətlərlə satışa çıxarılıb, ziyarətçilər müəlliflərlə görüşmək və yeni nəşrlərlə tanış olmaq imkanı əldə ediblər.Oxu mədəniyyətinin təşviqi, kitab sevgisinin aşılanması və bölgələrdə maarifçilik mühitinin gücləndirilməsi baxımından əhəmiyyətli olan I Qazax Kitab Sərgisi yüksək iştirakçı fəallığı və böyük ictimai maraqla yadda qalıb. Tədbir bir daha göstərib ki, kitab cəmiyyətin inkişafı və gənc nəslin formalaşması üçün ən vacib mənəvi dəyərlərdən biridir.

İyunun 5-də Cəlilabad şəhərində yerləşən Heydər Əliyev Seyrangahında I Cəlilabad Kitab Sərgisinin açılış mərasimi keçirilib.Anaib.az xəbər verir ki, BP-nin sponsorluğu ilə təşkil olunan sərginin açılışında Azərbaycan Nəşriyyatları Assosiasiyası İctimai Birliyinin sədri Şəmil Sadiq, Cəlilabad Rayon İcra Hakimiyyətinin başçısı Rafiq Cəlilov və layihənin icraçısı Mübariz Həsənov çıxış ediblər.Çıxışlarda ölkədə mütaliə mədəniyyətinin inkişafı, kitabın cəmiyyət həyatındakı rolu, regionlarda keçirilən kitab sərgilərinin oxucularla nəşriyyatlar arasında əlaqələrin möhkəmləndirilməsinə verdiyi töhfələr vurğulanıb. Bildirilib ki, bu cür layihələr kitabın təbliği, gənc nəslin mütaliəyə marağının artırılması və yerli ədəbi mühitin canlandırılması baxımından mühüm əhəmiyyət daşıyır.Sərgidə 30-dan çox nəşriyyat öz stendləri ilə təmsil olunub. Oxucular burada müxtəlif mövzularda nəşrlərlə tanış olmaq, kitablar əldə etmək və müəlliflərlə görüşmək imkanı qazanıblar. Sərgi günlərində kitablar oxuculara xüsusi endirimli qiymətlərlə təqdim edilib.Tədbir çərçivəsində müxtəlif mədəni proqramlar, təqdimatlar, müzakirələr və yazıçıların imza saatları təşkil olunub.Qeyd edək ki, ötən ay Azərbaycan Nəşriyyatları Assosiasiyasının təşkilatçılığı ilə Qax rayonunda da kitab sərgisi keçirilib və tədbir yerli oxucular tərəfindən böyük maraqla qarşılanıb. Regionlarda təşkil olunan kitab sərgiləri ölkədə kitab sənayesinin inkişafına və mütaliə ənənələrinin genişlənməsinə xidmət edir.

Mayın 30-da Qax rayonunda I Qax Kitab Sərgisinin açılış mərasimi keçirilib.Sərgi iki gün ərzində Qax və ətraf rayon kitabsevərlərinin görüş məkanına çevirəcək. Layihənin əsas məqsədi regionlarda mütaliə mədəniyyətinin təşviqi, kitabın təbliği, oxucuların nəşriyyatlar və müəlliflərlə bir araya gətirilməsidir.Açılış mərasimində Azərbaycan Nəşriyyatları Assosiasiyası İctimai Birliyinin sədri, yazıçı-publisist Şəmil Sadiq, Qax Rayon İcra Hakimiyyətinin başçısı Elvin Paşayev, ANAİB İdarə Heyətinin üzvü, layihənin icraçısı Veysəl Məmmədov, Şəki-Zaqatala Regional Mədəniyyət İdarəsinin rəisi Tural Kərimov, Şəki Regional Turizm İdarəsinin rəisi Şahin Məlikov və AYB Şimal-Qərb Regional Bölməsinin sədri Əlmaniz Ələkbərli çıxış ediblər.Çıxış edənlər kitab sərgilərinin regionlarda keçirilməsinin oxu mədəniyyətinin inkişafına, yerli ədəbi mühitin canlanmasına və gənclərin kitaba marağının artırılmasına mühüm töhfə verdiyini vurğulayıblar. Qeyd olunub ki, belə təşəbbüslər kitabın təbliği ilə yanaşı, müəlliflər, nəşriyyatlar və oxucular arasında əlaqələrin möhkəmlənməsinə də xidmət edir.Sərgidə ölkənin 30-dan artıq nəşriyyatı iştirak edir. Ziyarətçilərə müxtəlif janrlarda nəşrlər endirimli qiymətlərlə təqdim olunur. Eyni zamanda, sərgi çərçivəsində yazıçılarla görüşlər, imza saatları, bədii səhnələr və digər mədəni proqramlar təşkil edilib.Qeyd edək ki, I Qax Kitab Sərgisi Azərbaycan Nəşriyyatları Assosiasiyasının təşkilatçılığı, Qax Rayon İcra Hakimiyyəti, Azərbaycan Respublikası Mədəniyyət Nazirliyi, Azərbaycan Respublikasının Dövlət Turizm Agentliyi, Azərbaycan Respublikasının Gənclər və İdman Nazirliyi, MÜTDA, AYB Şimal-Qərb Regional Bölməsi və ASAN Radionun tərəfdaşlığı ilə həyata keçirilir. Sərgi BP şirkətinin dəstəyi ilə baş tutub və mayın 31-dək davam edib.