Martın 3-də “Azərbaycan Nəşriyyatları Assosiasiyası” İctimai Birliyinin (ANAİB) əsas təşkilatçılığı, Mədəniyyət Nazirliyi və Təhsilin İnkişafı Fondunun (TİF) təşkilatçılığı, Azərbaycan Gənc Müəllimlər Assosiasiyası (AGMA) və “ASAN Könüllülər” Təşkilatının dəstəyi ilə baş tutan II Kitabqurdu Payız Oxu Marafonunun mükafatlandırma mərasimi keçirilib.Anaib.az xəbər verir ki, görüş “Başkent” restoranında baş tutub.Tədbiri giriş nitqi ilə açan ANAİB-in katibi Nurman Tariq marafonun təşkilindəki məqsəddən danışıb. Bildirib ki, əsas məqsəd yerli yazıçıların təbliği, kitab bazarının dirçəldilməsi və mütaliəyə təşviqdir.Katib çıxışı zamanı qaliblərə təbriklərini çatdırıb, təşkilatçı və dəstəkçi qurumlara da təşəkkür etməyi unutmayıb.Münsiflər heyətinin üzvü və marafonun aparıcısı olan “Hədəf Nəşrləri”nin direktoru Nizami Hüseynov çıxışında qeyd edib ki, ötən marafonla müqayisədə bu marafonun sualları xeyli çətin olsa da, finalçılar öhdəsindən layiqincə gəliblər.Layihənin ideya müəllifi və rəhbəri, eyni zamanda, “XAN Nəşriyyatı”nın direktoru Səbuhi Şahmursoy başda qaliblər olmaqla bütün marafon iştirakçılarını təbrik edib. Prosesin görünməyən tərəfindən danışan layihə rəhbəri, növbəti marafonla bağlı müjdə də verib.Marafon müəlliflərindən olan Elçin Əzimli, Kənan Hacı və Elay iştirakçıları təbrik edib, onlara uğurlar diləyiblər.AGMA sədri Səkinə Həsənli, “ASAN Könüllülər” Təşkilatının sədr müavini Ayşən Camalova da öz növbələrində qalibləri təbrik edib, bu kimi marafon və yarışların təşkilində maraqlı olduqlarını, lazımınca dəstək verəcəklərini bildiriblər.Çıxışlardan sonra qaliblərə diplom və mükafatlar təqdim olunub:Ülviyyə İsrafilova – I yer – 3000 AZNAytən Məmmədova – II yer – 2000 AZNKəmalə Tağıyeva – III yer – 1000 AZNSonda marafon iştirakçıları tərəfindən ən çox bəyənilən “Çağrı” romanının müəllifi Elçin Əzimli xüsusi mükafatla təltif olunub.

Təhsilin İnkişafı Fondu (TİF) və Azərbaycan Nəşriyyatlar Assosiasiyasının (ANAİB) birgə təşkilatçılığı ilə “Kitabqurdu” I Yay Oxu Marafonuna start verilib.ANAIB.az-a xəbər verir ki, marafonun şərtləri aşağıdakı kimidir:– marafona 12-16 yaşlı uşaqlar qoşula bilər. Daha az yaşı olan uşaqların isə valideynin tövsiyəsi və nəzarəti ilə iştirak etməsi mümkündür. Kitablar 12-16 yaşlı uşaqlar üçün nəzərdə tutulub;– iştirakçı marafonun rəsmi teleqram səhifəsinə qoşulmalıdır. Səhifədə kitablar, eləcə də imtahan mərhələsi ilə bağlı məlumatlar paylaşılacaq;– sentyabrın 26-dək təyin olunmuş 7 kitab iştirakçı tərəfindən oxunmalıdır;– qiymətləndirilmə iki mərhələdən ibarət olacaq. Suallar seçilmiş 7 kitab əsasında hazırlanacaq;– birinci mərhələ onlayn, “Kahoot” proqramı vasitəsilə həyata keçiriləcək. Bu mərhələdə iştirakçıya internetə qoşulan iki telefon, yaxud kompüter lazım olacaq. Bu mərhələdə ən yüksək göstəriciyə malik on nəfər final turuna keçəcək;– final mərhələsi təyin olunmuş studiyada on nəfər arasında baş tutacaq.Mükafat fonduI yer 1000 AZN;II yer 500 AZN;III yer 300 AZN.Final mərhələsinə keçən digər 7 nəfərə isə kitab hədiyyələri və sertifikaflar veriləcək.Seçilmiş 7 kitabın siyahısı aşağıdakı kimidir:Amin Sükut – “Tuflinlər”;Aynur Cavid, Cəmilə Məmmədli – “Səyyah Bilgə”;Əziz Sultan – “Əjdahaların sirri – Adəmin macəraları”;Əziz Yaqubzadə – “Məktubunuz var”;Mürşüd İsmayılzadə – “Əjdaha qardaşlığı. Şirvanşahların xəzinəsi”;Reyhan Yusifqızı – “Yaşıl gözlü qız”;Rövşən Abdullaoğlu – “Mən yeməli deyiləm”.Teleqram səhifəsinin linki:https://t.me/kitabqurduyayoxumarafonuTəşkilatçıların instaqram və feysbuk səhifələrinin linkləri:TİFhttps://instagram.com/tif.edu.az?igshid=MzRlODBiNWFlZA==https://www.facebook.com/tif.edu.az?mibextid=ZbWKwLANAİBhttps://instagram.com/anaib__az?igshid=MzNlNGNkZWQ4Mg==https://www.facebook.com/profile.php?id=100068702658417&mibextid=ZbWKwL