2-4 iyun tarixlərində Abşeron-Xızı Regional Təhsil İdarəsi, Abşeron Rayon İcra Hakimiyyəti, Sumqayıt Regional Mədəniyyət İdarəsi və Azərbaycan Nəşriyyatları Assosiasiyasının birgə təşkilatçılığı Abşeron rayonu Xırdalan şəhəri Heydər Əliyev adına parkda XI ANAİB Kitab Sərgisi (II Xırdalan Kitab Sərgisi) baş tutacaq.ANAİB.az xəbər verir ki, sərgi üç gün ərzində saat 10:00-dan 20:00-a qədər davam edəcək.Endirimli kitab satışı, əyləncəli şoular, master-klaslar, musiqi saatları, müəlliflərlə görüş, imza və təqdimat mərasimlərinin də baş tutacağı kitab bayramında tanınmış yazıçılar Elxan Elatlı, Rövşən Abdullaoğlu, Ceyhun Hidayətli oxucular üçün kitab imzalayacaqlar.Təlimçi Cəlalə Nəzəroğlu “Səsini yox, sözünü ucalt” paneli ilə çıxış edəcək.Bundan başqa qiraətçi Xəzər Süleymanlı, müğənni Röyal Musa və tarzən Ayat Xan da maraqlı performans sərgiləyəcəklər.Abşeron və Sumqayıt məktəblilərinin təşkil etdiyi tamaşalar, rəqs nömrələri, qiraət saatları, ədiblərimizin, eləcə də nağıl qəhrəmanlarımızın şagirdlər tərəfindən canlandırılan obrazları kitab bayramına maraq qatacaq.

Xəbər verdiyimiz kimi, 13-14 may tarixlərində Naxçıvanda “Azərbaycan Nəşriyyatları Assosiasiyası” İctimai Birliyi (ANAİB), “Naxçıvan” Universiteti və “Hədəf” Şirkətlər Qrupunun təşkilatçılığı, eləcə də “Sirab” ASC-nin baş sponsorluğu, “Hədəf” kurslarının sponsorluğu ilə Ümumilli lider Heydər Əliyevin 100 illiyinə həsr olunmuş ANAİB I Naxçıvan Kitab Sərgisi keçiriləcək.ANAIB xəbər verir ki, sərgidə tanınmış qələm və incəsənət adamları ilə görüş keçiriləcək, oxucular öz sevimli müəllifləri ilə ünsiyyət qura biləcəklər.Sərgi çərçivəsində məşhur yazıçılar Elxan Elatlı, Varis, Zahid Xəlilin və şair Rüstəm Behrudinin imza mərasimləri baş tutacaq. Eyni zamanda E.Elatlı yeni romanı olan “Belçika ovçarka”sını oxucularına təqdim edəcək.Bundan başqa kitab bayramında təlimçi Orxan Şahbaz “Naxçıvanlılar nə oxuyur?”, təhsil texnoloqu Şəmil Sadiq “Çevrənin hissələri – müəllim, şagird və valideyn”, Təhsil Tələbə Krediti Fondu İdarə Heyətinin sədr müavini Bəhruz Əzimov “Təhsil tələbə krediti nədir?”, dilçi alim Rafiq İsmayılov “Oxuyub anlama – təhsildə metabacarıq kimi”, Azərbaycan Jurnalistlər Birliyinin sədri Elçin Şıxlı və professor Qulu Məhərrəmli “Azərbaycan jurnalistikası dünəndən bu günə” panelləri ilə çıxış edəcəklər. Sərginin qonaqları sırasında qiraətçi Xəzər Süleymanlı da var.Sərgi çərçivəsində ssenari müəllifi Arif Əliyev, prodüseri Tahir Tahiroviç olan “Əsgərlər unudulanda ölürlər” filminin təqdimatı da nəzərdə tutulur.Qeyd edək ki, “Naxçıvan” Universitetinin həyətində baş tutacaq sərgi hər gün 10:00-dan 20:00-a qədər davam edəcək.

23, 24, 25 dekabr tarixlərində Azərbaycan Nəşriyyatları Assosiasiyası (ANAİB), Azərbaycan Respublikası Mədəniyyət Nazirliyi və Sumqayıt şəhər İcra Hakimiyyətinin birgə təşkilatçılığı, Sumqayıt Regional Mədəniyyət İdarəsinin dəstəyilə II Sumqayıt Kitab Sərgisi həyata keçiriləcək.ANAİB.az xəbər verir ki, ötən il birincisi keçirilən sərgi oxucular tərəfindən rəğbətlə qarşılanıb. İkinci sərgi isə daha möhtəşəm proqram və çoxçeşidli kitablarla qarşınızda olacaq. Sərgi ölkənin 30-dan artıq tanınmış nəşriyyatı və 10-dan çox kitab evinin iştirakı ilə baş tutacaq, 90 %-dək endirimlər tətbiq olunacaq.Kitab bayramında tanınmış ədiblərin iştirakı ilə təqdimatlar, imza mərasimləri, konsert proqramları, şeir gecələri, uşaqlar üçün nağıl saatları və master-klasslar keçiriləcək. Müxtəlif personajlarla şəkil çəkdirmək imkanı, fotozonalar, sadəcə uşaqlar üçün nəzərdə tutulmuş “kids zone”da mütəmadi və əyləncəli fəaliyyətlərlə bu sərgi daha möhtəşəm olacaq!

Gəncədə möhtəşəm kitab sərgisi keçirilib26-28 noyabr tarixlərində Gəncədə “Azərbaycan Nəşriyyatları” İctimai Birliyinin (ANİB) təşkilatçılığı ilə “I Gəncə Kitab Sərgisi” təşkil olunub.“Nizami Gəncəvi İli”nə həsr edilən sərgidə ölkənin 30-dan artıq nəşriyyatı və 10-dan çox kitab evi iştirak edib.Sərgidə kitablara 50%-dək endirim tətbiq olunub, məşhur şair və yazıçıların iştirakı ilə təqdimatlar, imza mərasimləri, şeir gecələri, uşaqlar üçün nağıl saatları, rəssamların, müxtəlif sənət nümayəndələrinin əsərlərindən ibarət sərginin təşkili və musiqi proqramları keçirilib.ANAİB-in innovativ layihəsi olan “Öz kitabını sat” guşəsi öz kitabını təqdim etmək istəyən müəlliflər üçün nəzərdə tutulub. “Qarabağa kitabla gedirik” stendində isə işğaldan azad edilmiş ərazilərimizdə yaradılacaq kitabxana fondlarına dəstək məqsədilə kitablar toplanıb.ANAİB-in sədri Şəmil Sadiq bildirib: “Oxucular yeni kitablarla tanış olub, endirimlərdən yararlanıblar. Ən təbii istəyimiz “Nizami Gəncəvi İli”ndə, Nizami yurdunda möhtəşəm kitab bayramı təşkil edərək yerli kitabsevərləri sevindirmək idi”. “I Gəncə Kitab Sərgisi”nin təşkilat qrupunun rəhbəri Nurman Tariq isə kitabı paytaxtdan kənara çıxarmağın əhəmiyyətini vurğulayıb: “ANAİB tərəfindən 30-31 oktyabr tarixlərində Sumqayıt şəhərində təşkil olunmuş kitab sərgisi anşlaqla yadda qaldı və bu sərgi sübut etdi ki, bölgələrimizdə də kifayət qədər oxucu var, sadəcə kitab onlar üçün əlçatan deyil. Bunun üçün də ANAİB olaraq hədəfimiz nəşriyyat və yazıçılarla birlikdə bölgə-bölgə gəzmək, kitabı bölgələrimizə yaymaqdır. Kitabçılıq başqa cür inkişaf etməyəcək. Budəfəki dayanacağımız isə mədəniyyət şəhərimiz Gəncədir.”. Nurman Tariq tədbirin layiqli baş tutması üçün yaxından dəstək göstərən Mədəniyyət Nazirliyi, Gəncə Regional Mədəniyyət İdarəsi, Gəncə Şəhər İcra Hakimiyyəti və Gəncə İctimai İştirakçılıq Məclisinə xüsusi təşəkkürünü bildirib.

Sumqayıtda kitab bayramı 30-31 oktyabr tarixlərində “Azərbaycan Nəşriyyatları Assosiasiyası” İctimai Birliyinin təşkilatçılığı ilə Sumqayıt Dövlət Dram Teatrında “I Sumqayıt Kitab Sərgisi” (ANAİB-2021) təşkil olunub. Sərgidə ölkənin 20-dən artıq tanınmış nəşriyyat və 20000-dən çox insan iştirak edib. Sərgidə bütün nəşriyyatlar tərəfindən kitablara 50%-dək endirim tətbiq olunub.Eyni zamanda sərgi müddətində məşhur şair və yazıçıların da iştirakı ilə təqdimatlar, imza günləri və şeir gecələrinin keçirilib. Sərgi saat 10:00-dan 19:00-dək davam edəcək.