II Kitabqurdu Payız Oxu Marafonunun qalibləri mükafatlandırıldılar - Foto

II Kitabqurdu Payız Oxu Marafonunun qalibləri mükafatlandırıldılar - Foto

Ətraflı bax...
ANAİB-in yaradılması

ANAİB-in yaradılması

Ətraflı bax...
I LƏNKƏRAN KİTAB SƏRGİSİ KEÇİRİLİB

I LƏNKƏRAN KİTAB SƏRGİSİ KEÇİRİLİB

Ətraflı bax...
ANAİB MEDİA NÜMAYƏNDƏLƏRİ İLƏ GÖRÜŞ KEÇİRDİ

ANAİB MEDİA NÜMAYƏNDƏLƏRİ İLƏ GÖRÜŞ KEÇİRDİ

Ətraflı bax...
GƏNCƏDƏ MÖHTƏŞƏM KİTAB SƏRGİSİ KEÇİRİLİB

GƏNCƏDƏ MÖHTƏŞƏM KİTAB SƏRGİSİ KEÇİRİLİB

Ətraflı bax...

Xəbərlər

III Uşaq Kitab Festivalı keçirildi

III Uşaq Kitab Festivalı keçirildi

6 – 9 iyun tarixlərində “Abu Arena”da “Azərbaycan Nəşriyyatları Assosiasiyası” İctimai Birliyinin təşkilatçılığı ilə “Yaşıl Dünya naminə Həmrəylik İli”nə həsr olunan III Uşaq Kitab Festivalı keçirilib.Anaib.az xəbər verir ki, budəfəki festivalı əvvəlkilərdən fərqləndirən tematik günlərə ayrılması olub. İyunun 6-sı Yaşıl Dünya, 8-i Milli Geyimlər, 9-u isə Mənim Nağıl Qəhrəmanım günləri elan edilib. Yaşıl Dünya Günündə Ekologiya və Təbii Sərvətlər Nazirliyinin dəstəyi ilə iştirakçılara yaşıl torbalarda toxumlar paylanılıb. Milli Geyimlər Günündə təşkilatçılar, iştirakçılar və ziyarətçilər milli paltarlara üstünlük veriblər. Mənim Nağıl Qəhrəmanım Günündə isə hərə öz nağıl personajını canlandırıb. Festivalın açılış mərasimində ANAİB sədri Şəmil Sadiq, Türkiyənin məşhur uşaq yazıçısı Suat Turqut, “Altun Kitab” nəşriyyatının direktoru Rafiq İsmayılov, sərginin layihə rəhbəri, “Ağıllı bala” nəşriyyatının direktoru Fatimə Alxaz çıxış edib, bu kimi layihələrin Azərbaycan kitabçılığına, ümumilikdə ölkənin gələcəyinə yatırım kimi qiymətləndiriblər. Festivalda Şəmil Sadiq, Sevinc Elsevər, Aynur Cavid, Rövşən Abdullaoğlu, Reyhan Yusifqızı, Elgüsel, Fatimə Alxaz, Amin Sükut, Əziz Yaqubzadə, Çinarə Köçərli, İradə Qədirova, Mürşüd İsmayılzadə, Aytac Qəmbərova, Günel Əliyeva, Elmir İsgəndərov və başqa yazıçıların təqdimat, imza mərasimləri baş tutub. Türkiyənin məşhur uşaq yazıçısı Suat Turqut da tədbirin qonağı olub. Bundan başqa, sərgidə Gülzar İbrahimova, Mehriban Nağıyeva, Xəzər Süleymanlı, Kamal Yaşar, Şəbnəm Həsənəlizadə, Afaq Muradın ifasında qiraət və nağıl saatları, müğənni Röyal Musanın təqdimatında mini-konsert proqramı, Elmar İbrahimovun sehrbazlıq şousu iştirakçılar tərəfindən maraqla qarşılanıb. Azərbaycan klassik ədəbiyyatının görkəmli nümayəndələri Abdulla Şaiq və Mirzə Ələkbər Sabirin varisləri ilə görüş də tədbirə rəng qatıb. Sərgidə on minlərlə kitabın endirimli qiymətlərlə satışı, master-klaslar, məşhurların nağıl saatları, kukla teatrı, əyləncəli tamaşalar, intellektual oyunlar təşkil edilib. Tədbirdə oxucular məşhur uşaq yazıçılarından imzalı kitablar əldə edib, onlarla ünsiyyət qurublar. Festivalın sponsorları “Azsur Group”, “MUSİAD Azərbaycan”, “Azam Group”, “Premium Layihə İnşaat”, “Topxana Layihə İnşaat”, “Nağıoğlu construction”, “SQS Group”, dəstəkçiləri isə Azərbaycan Ekologiya və Təbii Sərvətlər Nazirliyi və “Supertoys” mağazalar şəbəkəsi olub. 
11.06.2024 29 Ətraflı
III “Kitabqurdu” Yaz Oxu Marafonu çərçivəsində “Buknik” keçirildi

III “Kitabqurdu” Yaz Oxu Marafonu çərçivəsində “Buknik” keçirildi

Mayın 12-də III “Kitabqurdu” Yaz Oxu Marafonu çərçivəsində “Buknik” layihəsi keçirilib. Anaib.az xəbər verir ki, 70-dən çox şagirdin, onların valideynlərinin, eləcə də ətraf ərazidə yaşayan sakinlərin iştirakı ilə baş tutan “Buknik” layihəsi kifayət qədər uğurlu alınıb. Əvvəlcə komandalar şəklində parkın girişində toplanan uşaqlar arasında ünsiyyət təmin edilib. Uşaqlar fəaliyyətin sonunda dostlaşıb, növbəti görüşləri planlaşdırmağa başlayıblar. Daha sonra oyun məkanında iştirakçılar komandalara bölünüb və aralarında müxtəlif yarışlar keçirilib. Qaliblərə kitab hədiyyələri təqdim ol. Ardınca komandalar parkın müxtəlif yerlərində quraşdırılan imza köşklərində müəlliflərlə görüşüb, şəkil çəkdirib, kitablarını imzalatdırıb, yeni kitablar haqqında məlumat alıblar. Sonda aktyor Kamal Yaşarın təqdimatında nağıl saatı baş tutub.Qeyd edək ki, Azərbaycan Nəşriyyatları Assosiasiyası, Təhsilin İnkişafı Fondu və “SİMART” Sağlam İnkişaf Platformasının təşkilatçılığı ilə keçirilən III “Kitabqurdu” Yaz Oxu Marafonuna 6 – 10 yaşlı uşaqlar qoşula bilərlər. Daha az yaşı olan uşaqların iştirakı isə valideynin tövsiyə və nəzarəti əsasında mümkündür. Kitablar 6 – 10 yaşlı uşaqlar (ibtidai siniflər) üçün nəzərdə tutulub. İştirakçılar marafonun rəsmi teleqram səhifəsinə qoşulmalıdırlar. Səhifədə kitablar, eləcə də imtahan mərhələsi ilə bağlı məlumatlar paylaşılər.İştirakçılar seçilmiş 6 kitabı iyunun 25-dək oxumalıdırlar. Müsabiqə iki mərhələdən ibarətdir. Suallar iştirakçıların mütaliə etdiyi 6 kitab əsasında hazırlanacaq. İmtahanın ilk mərhələsi onlayn qaydada həyata keçiriləcək. Bu mərhələdə ən yüksək göstəriciyə malik on nəfər finala vəsiqə qazanacaq.Final mərhələsi təyin olunmuş studiyada on nəfər arasında baş tutacaq. Birinci yeri tutan iştirakçıya 1000, ikinci yeri tutan iştirakçıya 500, üçüncü yeri tutan iştirakçıya isə 300 AZN mükafat, digər 7 nəfərə isə kitab hədiyyələri və sertifikatlar veriləcək.İştirakçılar marafonda iştirak etmək üçün aşağıdakı kitabları oxumalıdırlar:- Amin Sükut – “Dovşan nə üçün Yeni il şənliyinə qatılmadı?”- Elgüsel – “Yumağın macəraları”- Fatimə Alxaz – “Buku, qaranlıq və Toki”- Xəyalə Murad – “Bir yarpağın arzusu”- Sevinc Elsevər – “Novruz nağılı”- Zahid Xəlil – “Bizim kəndin nağılları”Marafonun teleqram kanalına bu link vasitəsilə qoşula bilərsiniz:https://t.me/IIIkitabqurdu_marafonu
15.05.2024 65 Ətraflı
“Oxu Günü-10” sərgi-festivalı keçirildi

“Oxu Günü-10” sərgi-festivalı keçirildi

Azərbaycan Naşirlərinin I Forumu çərçivəsində “Oxu Günü-10” sərgi-festivalı baş tutub. Anaib.az xəbər verir ki, bu il “Oxu Günü-10” layihəsi “Azərbaycan Nəşriyyatları Assosiasiyası” İctimai Birliyi, AMEA, Təhsilin İnkişafı Fondu, Mədəniyyət Nazirliyi, Yunus Əmrə İnstitutu və “Hədəf Nəşrləri”nin birgə təşkilatçılığı ilə AMEA parkında keçirilib.27 – 28 aprel tarixlərində baş tutan sərgi-festivalda otuza yaxın nəşriyyat, ondan çox kitab mağazası, onlarla ədib, ziyalı, incəsənət və ictimaiyyət nümayəndələri iştirak edib.Sərgi-festivalda Varis, Rüstəm Behrudi, Elxan Elatlı, İlqar Kamil, İlham Tumas, Elay, Tamerlan İsmayılzadə, Aynur Cavid, Ramil Əhməd, Məsudə Cabbar, Erix Qauzer, Fidan Cəfərzadə və başqa tanınmış yazıçıların təqdimat və imza mərasimləri olub. Bundan başqa, Çinarə Məlikzadə, Röyal Musa, eləcə də digər gənc ifaçılar festivala rəng qatıblar. Əlavə məlumat üçün bildirək ki, III və IV “Kitabqurdu” Oxu Marafonunun müəllifləri – Şəmil Sadiq, Amin Sükut, Sevinc Elsevər, Elgüsel, Zahid Xəlil, Xəyalə Murad, Rövşən Abdullaoğlu, Rafiq İsmayılov, Fatimə Alxaz, Rəşad Bayramov və Gülüş Xəlilova da festivalda iştirak ediblər. “Oxu Günü” 2015-ci ildə “Hədəf Nəşrləri” MMC tərəfindən təsis edilib. Layihənin məqsədi ölkədə kitabçılığı inkişaf etdirmək, gənclərin intellektual mühitə adaptasiyasını aktual saxlamaq, oxucu-yazıçı görüşlərini stimullaşdırmaq, endirimli kitablar təqdim etmək və bununla kitabın əhəmiyyətini cəmiyyətə aşılamaqdan ibarətdir.“Oxu Günü” sərgi-festivalı 2015-ci ildə Binəqədi rayonunda yerləşən Heydər Əliyev adına parkda, 2016-cı ildə Nəsimi rayonu ərazisindəki Zorge parkında, 2017 – 2023-cu illərdə isə Heydər Əliyev Mərkəzində Heydər Əliyev Mərkəzi, “Hədəf Nəşrləri”, Elm və Təhsil və Mədəniyyət nazirliklərinin təşkilatçılığı ilə keçirilib.Elm və təhsil nazirinin 4 mart 2019-cu il tarixli qərarına əsasən hər il aprelin 23-də Ümumdünya Kitab və Müəlliflik Hüququ Günü münasibətilə bütün ölkə ərazisində ümumtəhsil məktəblərinin iştirakı təmin olunmaqla kütləvi “Oxu Günü” tədbiri keçirilir.Qeyd edək ki, sərgi-festivalın dəstəkçiləri “Badamlı”, “MUSİAD Azərbaycan”, “Oyal” Şirkətlər Qrupudur. Tədbir iki gün – 10:00-dan 20:00-dək davam edib. Layihə “Gəlin birgə oxuyaq!” devizi altında təşkil olunub. 
29.04.2024 78 Ətraflı
Bizimlə Whatsapp ilə əlaqə saxlayın
Salam, Sizə necə kömək edə bilərik?
whatsappa keçid etmək üçün klikləyin...