27 – 28 may tarixlərində “Azərbaycan Nəşriyyatları Assosiasiyası” İctimai Birliyi (ANAİB) və Sumqayıt Dövlət Universitetinin (SDU) birgə təşkilatçılığı ilə IV Sumqayıt Kitab Sərgisi təşkil ediləcək. ...Anaib.az xəbər verir ki, sərgi Sumqayıt Dövlət Universitetinin inzibati binasında baş tutacaq. Sərgidə təkcə SDU tələbələri deyil, bütün Sumqayıt əhalisinin iştirak etməsi üçün universitetdə “Açıq qapı günü” elan olunub. Sərginin ilk günü – 27 may Milli Mətbuatın yaranmasının 150 illiyinə, iukinci günü – 28 may tarixi isə Müstəqillik Gününə həsr ediləcək. Bayram əhvali-ruhiyyəli sərgidə minlərlə kitab 90 %-dək endirimlə təklif olunacaq, tanınmış yazıçıların, şairlərin təqdimat və imza mərasimləri, məşhurlarla görüşlər, şeir saatları baş tutacaq. Yazıçılar Şəmil Sadiq, Varis, Elxan Elatlı, Aynur Cavid, Elgüsel, Əziz Sultan, Səxavət Məmməd, Mürşüd İsmayılzadə, Əziz Yaqubzadə, tarixçi Boran Əziz, təlimçilər Aysel Rəsulzadə, Orxan Şahbaz, musiqiçi Hüseyn Cəfərin iştirakı ilə müxtəlif panellər, təqdimatlar, imza günləri, şeir gecələri və musiqili proqram təşkil olunacaq. İki gün davam edəcək sərgi hər gün 10:00-dan 20:00-dək oxucuların üzünə açıq olacaq. Sərgidə 25-dən çox nəşriyyatın iştirakı gözlənilir. Giriş sərbəstdir.

“Azərbaycan Nəşriyyatlar Assosiasiyası” İctimai Birliyinin (ANAİB) üzvü olan “Qədim Qala” nəşriyyatının Beynəlxalq əlaqələr şöbəsinin rəhbəri Elnarə Əliyeva Doha Beynəlxalq Kitab Sərgisində iştirak edib.ANAİB-dən verilən məlumata görə, Elnarə Əliyeva sərgi çərçivəsində müxtəlif tədbirlərə qatılıb, beynəlxalq əlaqələri daha da inkişaf etdirmək üçün çoxsaylı görüşlər keçirilib. Qeyd edək ki, Doha Beynəlxalq Kitab Sərgisi Körfəz regionun ən köklü tarixə malik, ən böyük beynəlxalq kitab sərgilərindəndir. Yarmarka ilk dəfə 1972-ci ildə “Dar Al Kutub Al Qatariya” rəhbərliyi altında fəaliyyətə başlayıb. Adətən iki ildən bir keçirilən sərgi 2002-ci ildən etibarən illik tədbirə çevrilib. İlk yarmarkada 20-dən çox nəşriyyat evi iştirak edib. Bu il isə 50-dən çox ölkəni təmsil edən 500 nəşriyyatın iştirakı ilə baş tutub. Əlavə məlumat üçün bildfirək ki, Doha Beynəlxalq Kitab Sərgisində seminarlar, mühazirələr, və s. kimi çoxsaylı mədəni tədbirlər keçirilir. Yarmarka Doha Sərgi və Konqres Mərkəzində təşkil olunub.

9 – 11 may tarixlərində Azərbaycan Respublikası Prezidentinin Naxçıvan Muxtar Respublikasında səlahiyyətli nümayəndəliyinin təşəbbüsü, Naxçıvan Şəhər İcra Hakimiyyəti və Azərbaycan Nəşriyyatlar Assosiasiyası İctimai Birliyinin (ANAİB) birgə təşkilatçılığı ilə Naxçıvan şəhərində Saat meydanında BookFest Naxçıvan Kitab Sərgisi – 2025 keçirilib. Anaib.az xəbər verir ki, festivalda 28 nəşriyyat, eləcə də tanınmış yazıçılar, şairlər, incəsənət xadimləri iştirak edib, oxucularla görüşlər, təqdimat və imza günləri keçiriblər. Bundan başqa, minlərlə kitabın endirimli satışı, müxtəlif mövzulu panel-müzakirələr baş tutub. Festivalın açılış mərasimində Azərbaycan Respublikasının Prezidentinin Naxçıvandakı səlahiyyətli nümayəndəsinin müavini Samir Seyidəhmədli, Naxçıvan şəhər İcra Hakimiyyətinin başçısı Cabbar Musayev, ANAİB sədri Şəmil Sadiq, rejissor Tahir Tahiroviç, şair Rüstəm Behrudi, Azərbaycan Yazıçılar Birliyinin katibi Səlim Babullaoğlu iştirak edib, stendlərə birgə baxış keçiriblər. Sərgidə yazıçılar Rövşən Abdullaoğlu, Elxan Elatlı, Seymur İlyasov, İradə Qədirova, Zaur Bayramoğlu, şair Aqşin Yenisey, təlimçilər Orxan Şahbaz, Rəşad İbrahimov da qatılıblar. Üç gün davam edən festivalın ilk günü – mayın 9-u Qələbə Gününə, mayın 10-u isə Ümummilli Lider Heydər Əliyevin andan olmasının 102 illiyinə həsr edilib. Festival çərçivəsində konsert proqramı və atəşfəşanlıq baş tutub. 

“Azərbaycan Nəşriyyatlar Assosiasiyası” İctimai Birliyi (ANAİB) idarə heyətinin sədri Şəmil Sadiq Ailə, Qadın və Uşaq Problemləri üzrə Dövlət Komitəsi yanında İctimai Şuraya üzv seçilib. ANAİB-dən verilən xəbərə görə, seçki vətəndaş cəmiyyəti institutlarının nümayəndələrinin iştirakı ilə baş tutub. Səsvermə yekunlaşdıqdan sonra möhürlənmiş seçki qutusu açılıb və səslər Seçki Komissiyasının iştirakı ilə hesablanıb.Namizədliyi qeydə alınmış 14 nəfər arasından ən çox səs toplayan 7 nəfər İctimai Şuraya üzv seçilib. Yeni tərkib aşağıdakı kimidir:Firuzə Rəsulova – “Əlilliyə erkən yardım Portec Şəbəkəsi” İctimai BirliyiQəmərxanım Cavadlı – Qafqaz Müsəlmanları İdarəsinin sədr müaviniMüslüm Məmmədov – “Azərbaycan Uşaqlarının İnkişaf Platforması” İctimai BirliyiMəryəm Məcidova – “Gender Hub” İctimai BirliyiŞəmil Sadiq – “Azərbaycan Nəşriyyatları Assosiasiyası” İctimai BirliyiÜlvi Əliyev – “Azad İqtisadiyyatın İnkişafına Yardım Mərkəzi” İctimai BirliyiVenera Əsgərova – “Vətəndaşların Sosial Rifahının Gücləndirilməsinə Dəstək” İctimai Birliyi

9 – 11 may tarixlərində Azərbaycan Respublikası Prezidentinin Naxçıvan Muxtar Respublikasında Səlahiyyətli Nümayəndəliyinin təşəbbüsü, Naxçıvan Şəhər İcra Hakimiyyəti və “Azərbaycan Nəşriyyatlar Assosiasiyası” İctimai Birliyinin (ANAİB) birgə təşkilatçılığı ilə Naxçıvan şəhərində Saat meydanında BookFest Naxçıvan Kitab Sərgisi – 2025 keçiriləcək.Anaib.az xəbər verir ki, ölkənin ən fəal nəşriyyatlarının qoşulacağı festivalda tanınmış yazıçıların iştirakı, oxucularla görüşlər və təqdimat imza günləri, minlərlə kitabın endirimli satışı, müxtəlif mövzulu panel-müzakirələr planlaşdırılır.Festivala ANAİB sədri Şəmil Sadiq, rejissor Tahir Tahiroviç, şair Rüstəm Behrudi, Azərbaycan Yazıçılar Birliyinin katibi Səlim Babullaoğlu, yazıçılar Rövşən Abdullaoğlu, Elxan Elatlı və Seymur İlyasov, şair Aqşin Yenisey, təlimçi Orxan Şahbaz da qatılacaqlar. Üç gün davam edəcək festivalın açılış mərasimi mayın 9-u saat 10:00-da olacaq. Giriş sərbəstdir.