10 – 13 aprel tarixlərində Bakı İdman Sarayında IV Uşaq Kitab Festivalı keçirilib. “Azərbaycan Nəşriyyatlar Assosiasiyası” İctimai Birliyindən (ANAİB) verilən məlumata görə, festivalın təşkilatçıları Mədəniyyət, Gənclər və İdman nazirlikləri, Ailə Qadın və Uşaq Problemləri üzrə Dövlət Komitəsi, ANAİB, sponsoru isə Expressbankdır. Festivala ANAİB üzvü olan nəşriyyatlarla yanaşı, digər nəşriyyatlar da qoşulublar. Tədbirə 30-dan çox nəşriyyat öz xüsusi stendi ilə qatılıb. Minlərlə kitab 90 %-dək endirimlə təklif olunub.Açılış mərasimində ANAİB sədri Şəmil Sadiq, Ailə, Qadın və Uşaq Problemləri üzrə Dövlət Komitəsinin rəhbəri Bahar Muradova, deputatlar Elnarə Akimova və Mehriban Vəliyeva, Azərbaycan Yazıçılar Birliyinin katibi Elçin Hüseynbəyli, layihənin rəhbəri Fatimə Alxaz, Expressbankın ictimaiyyətlə əlaqələr üzrə nümayəndəsi Raziyə Axundzadə çıxış edib, bu kimi festivalların ölkə kitabçılığına verdiyi töhfələrdən söz açıblar. Açılış mərasimindən sonra Ailə, Qadın və Uşaq Problemləri üzrə Dövlət Komitəsinin rəhbəri Bahar Muradova, Gənclər və İdman Nazirliyinin Tələbələrlə iş üzrə sektor müdiri Elnur Abdullayev, Mədəniyyət Nazirliyinin əməkdaşı Xəyal Məmmədov, Expressbankın ictimaiyyətlə əlaqələr üzrə nümayəndəsi Raziyə Axundzadə festivalın təşkilində göstərdikləri köməyə görə təltifnamə ilə mükafatlandırılıblar. Festival çərçivəsində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ceyhun Salmanovun, “Fazzi: Oyanış” kitabının təqdimat mərasimi də baş tutub. Bundan başqa, festivalda tanınmış şəxslər, eləcə də dövlət rəsmiləri də iştirak ediblər. Kənd təsərrüfatı naziri Məcnun Məmmədov, mədəniyyət nazirinin müavini Fərid Cəfərov, Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev, Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva, akademik Rafiq Əliyev, deputat Ceyhun Məmmədov, professor Qulu Məhərrəmli, uşaq yazıçısı Zahid Xəlil və başqaları sərgi ilə tanış olub, nəşriyyatların stendlərini gəziblər. Tanınmış ədiblərin təqdimat mərasimləri, imza günləri, məşhurlarla görüşlər, şeir saatları, uşaqlar üçün nağıl və əyləncə saatları təşkil edilib. Festivalda uşaqlar üçün intellektual master-klaslar, əyləncəli müsabiqələr, oxu saatları və səhnəciklər təşkil olunacaq.Festivalı digər festival və sərgilərdən fərqləndirən cəhət 3 tematik günün olmasıdır. Belə ki, aprelin 11-i festival çərçivəsində Milli Geyimlər Günü elan edilib. Məqsəd uşaqlara Azərbaycanın milli geyimlərini tanıtmaq, onlara milli dəyərləri aşılamaq və mədəni irsimizi yaşatmaqdır. Aprelin 12-si Peşələr Günü olacaq. Məqsəd müxtəlif peşələrin önəmini vurğulamaq, uşaqları müxtəlif sahələrlə tanış etmək və bu sahələrə maraq yaratmaqdır. Aprelin 13-ü Mənim Nağıl Qəhrəmanım Günüdür. Məqsəd uşaqlara müsbət xüsusiyyətlər aşılamaq, onların fantaziyasının genişlənməyinə dəstək olmaqdır. Əlavə məlumat üçün qeyd edək ki, 4 gün davam edən festivalı 52.000 nəfər ziyarət edib. 

10 – 13 aprel tarixlərində Bakı İdman Sarayında artıq ənənəyə çevrilmiş Uşaq Kitab Festivalı keçiriləcək. “Azərbaycan Nəşriyyatlar Assosiasiyası” İctimai Birliyindən (ANAİB) verilən məlumata görə, 4-cüsü təşkil edilən festivalın təşkilatçıları Mədəniyyət, Gənclər və İdman nazirlikləri, Ailə Qadın və Uşaq Problemləri üzrə Dövlət Komitəsi, ANAİB, sponsoru isə Expressbankdır. Festivala ANAİB üzvü olan nəşriyyatlarla yanaşı, digər nəşriyyatlar da qoşula, öz kitablarını təqdim edə biləcəklər. IV Uşaq Kitab Festivalında minlərlə kitab 90 %-dək endirimlə təklif olunacaq.Tanınmış ədiblərin təqdimat mərasimləri, imza günləri, məşhurlarla görüşlər, şeir saatları, uşaqlar üçün nağıl və əyləncə saatları təşkil ediləcək.Tədbirə 30-dan çox nəşriyyat öz xüsusi stendi ilə qatılacaq. Bu da onminlərlə kitabın, 100-dən çox ədibin iştirakı deməkdir. Festivalda uşaqlar üçün intellektual master-klaslar, əyləncəli müsabiqələr, oxu saatları və səhnəciklər təşkil olunacaq.Festivalı digər festival və sərgilərdən fərqləndirən cəhət 3 tematik günün olmasıdır. Belə ki, aprelin 11-i festival çərçivəsində Milli Geyimlər Günü elan edilib. Məqsəd uşaqlara Azərbaycanın milli geyimlərini tanıtmaq, onlara milli dəyərləri aşılamaq və mədəni irsimizi yaşatmaqdır. Aprelin 12-si Peşələr Günü olacaq. Məqsəd müxtəlif peşələrin önəmini vurğulamaq, uşaqları müxtəlif sahələrlə tanış etmək və bu sahələrə maraq yaratmaqdır. Aprelin 13-ü Mənim Nağıl Qəhrəmanım Günüdür. Məqsəd uşaqlara müsbət xüsusiyyətlər aşılamaq, onların fantaziyasının genişlənməyinə kömək etməkdir. 

Qeyri-Hökumət Təşkilatlarına Dövlət Dəstəyi Agentliyi Müşahidə Şurasının elan etdiyi müsabiqənin 2025-ci il üzrə nəticələrinə görə “Azərbaycan Nəşriyyatları Assosasiyası” İctimai Birliyinin (ANAİB) “Zəfərin uşaqları ilə Oxu Marafonu” – Şimal bölgəsi (Quba, Qusar, Xaçmaz) məktəblilərinin mütaliə yarışı layihəsi orta Qrant müsabiqəsinin qaliblərindən seçilib.Birlikdən verilən xəbərə görə, bu, ANAİB-in qazandığı ilk qrant layihəsidir.Layihənin əsas məqsədi şimal bölgəsində məktəblilər arasında oxu vərdişlərini inkişaf etdirmək, gənclərə vətənpərvərlik ruhunu aşılamaq, milli-mənəvi dəyərləri təbliğ etmək və Azərbaycan dilinin zənginliyini göstərməkdir.Layihədə nəzərdə tutulan fəaliyyətlər hədəf qruplarını daha çox nəzəri baxımdan deyil, praktiki olaraq bu prosesə cəlb etməyi nəzərdə tutur:- 300 şagird, 18 müəllim və 6 kitabxanaçı mütaliə vərdişləri ilə bağlı önəmli təcrübə qazanacaq;- Quba, Qusar, Xaçmaz rayonlarından layihəyə cəlb edilmiş məktəblər 450 ədəd kitabla təmin olunacaqlar;- Quba, Qusar, Xaçmaz rayonlarında oxuyub-anlama mövzusunda 6 kitabxanaçı, 108 müəllim təlimlər keçəcək;- Quba rayonunda 3 günlük kitab festivalı baş tutacaq. 

“Azərbaycan Nəşriyyatlar Assosiasiyası” İctimai Birliyi (ANAİB) idarə heyətinin sədri Şəmil Sadiq Ailə Qadın Uşaq Problemləri Üzrə Dövlət Komitəsinin sədri Bahar Muradova ilə görüşüb. Birlikdən verilən məlumata görə, görüşdə ANAİB idarə heyətinin üzvləri – “Ağıllı bala” nəşriyyatının direktoru Fatimə Alxaz, “XAN Nəşriyyatı”nın direktoru Səbuhi Şahmursoy, “Parlaq İmzalar” nəşriyyatının direktoru Nurman Tariq, ANAİB-in koordinatoru Səma Məstəliyeva da iştirak ediblər.Tərəflər cəmiyyətin sosial problemlərinin işıqlandırılması və həlli istiqamətində birgə layihələrin həyata keçirilməsi barədə söhbət edib, hazırda gündəmdə olan kitablarda yaş senzinin göstərilməsi mövzusunda müzakirə aparıblar. Nəticədə, yaş məhdudiyyətinin daha çox uşaq kitablarına aid olmağı ilə bağlı razılığıa gəlinib. Digər bədii kitablara isə yalnız zəruri olduğu təqdirdə yaş məhdudiyyəti qoyulacağı bildirilib.Görüş zamanı ANAİB-in təşkil edəcəyi IV Uşaq Kitab Festivalı ilə bağlı da fikir mübadiləsi aparılıb. Festivalın Gənclər və İdman Nazirliyi, Ailə Qadın Uşaq Problemləri Dövlət Komitəsi və ANAİB-in təşkilatçılığı ilə keçirilməsinə qərar verilib.Bundan başqa, görüşdə ANAİB adından Himayəçilər Birliyinin yaradılması haqqında fikir də səsləndirilib.Görüş müzakirələrlə davam edib. 

Azərbaycan Nəşriyyatları Assosiasiyası İctimai Birliyi (ANAİB) idarə heyətinin növbəti görüşü keçirilib. Anaib.az xəbər verir ki, görüş zamanı nəşriyyat sektorunun inkişafı, kitab sənayesinin qarşılaşdığı çətinliklər və layihələr müzakirə olunub.Toplantıda nəşriyyatlar arasındakı əməkdaşlığın genişləndirilməsi, kitab sərgiləri və mütaliə təşviqinə yönəlmiş tədbirlərin təşkili məsələlərinə toxunulub, nəşriyyat işinə innovativ yanaşmanın tətbiqi istiqamətində bir sıra məsələlər müzakirə edilib.Bundan başqa artıq ənənəyə çevrilmiş Uşaq Kitab Festivalı və Oxu Gününün Sumqayıtda keçirilməsi ilə bağlı müzakirələr aparılıb. Tədbirin keçirilmə yeri və vaxtı haqqında razılıq əldə edilib.Görüşdə əlavə olaraq, təhsil sahəsində müxtəlif forumlar və gənclər arasında ədəbiyyata maraq yaratmaq üçün tədbirlər haqqında da müzakirələr aparılıb. Qeyd edilib ki, bu təşəbbüslər uşaq ədəbiyyatının inkişafı və gənclərin bu sahədə daha aktiv fəaliyyət göstərməsi məqsədini güdür. Müzakirədə üzv nəşriyyatların fəaliyyəti ilə bağlı yeni addımlar atılması və əməkdaşlıq imkanları haqqında təkliflər səsləndirilib. Nəşriyyatların birgə fəaliyyəti ilə bağlı yenilikçi təşəbbüslər irəli sürülüb. Üzvlükhaqqı məbləğinə yenidən baxılması müzakirə olunub və nəşriyyatların bu prosesdə daha fəal iştirakının təmini  məqsədilə tədbirlər planı təqdim edilib.Çıxışçılar bildiriblər ki, bu müzakirələr ANAİB-in  nəşriyyatlar arasında əməkdaşlığı gücləndirmək,  sektorda davamlı inkişafı təmin etmək istiqamətində atacağı addımlar üçün ciddi əhəmiyyət daşıyır. Gələcəkdə sözügedən istiqamətdə daha çox təşəbbüs və layihənin həyata keçirilməsi gözlənilir.